Maite Maiora eta LUMA

Maite pozik Alternative 6000 berokiarekin

LUMA alternative 6000 berokiaren sorrera eta Maite Maiora mendi korrikalariak erlazio zuzena daukatela esan beharra dago, eta zergatik galdetuko duzue batek baino gehiagok ezta?
 Azaroko egun batean Maite Maiora eta bere senar Iosu Juaristi izan genituen gure biltegian gure "alternative jkt" berokiaren inguruan interesaturik. Maiteren apaltasun eta Iosuren humore onari esker "onda" ona nabarmen gelditu zen eta Maitek hotzarekin duen arazoaren jakinean ipini zigun.......hortik sortu zen gure "alternative jkt" berokiari lumaren kantitatea bikoiztearen ideia, eta hortik sortu gure "Alternative 6000" berokia, momentuz prototipo bezala Maite Maiorarentzat  edizio espezialtzat kaleratu duguna. Beroki honek, 300 eta 400 gr arteko luma kantitatea du betegarri bezala, 680-700 cuin bitarteko fill powerarekin.


 Gure animo beroenak eskeini nahi dizkiogu Maite-ri, baina baita beste guztioi ere, egunerokotasunean gogor entrenatzen ari zaretenoi ....eutsi goiari danok!!!

                    
ESKERRIK ASKO MAITE LUMA-KIN KONFIDATZEARREN  



 Deberiamos decir que la creacion de  nuestra chaqueta " Alternative 6000" y la campeona  Maite Maiora  estan estrechamente relacionados, pero porque os preguntareis mas de uno verdad?

 Un dia de noviembre recibimos la agradable visita de Maite Maiora y su marido Iosu Juaristi interesados con nuestras chaquetas. El buen humor de Iosu y la sencillez de Maite fueron suficientes para romper el hielo y entablar una interesante conversacion en la que Maite nos ponia en conocimiento de su problema y sustos con el frio, de esa conversacion nacio la idea de rellenar nuestras chaquetas "alternative" con  casi el doble de relleno, y de esa conversacion nace nuestra chaqueta " Alternative 6000" que de momento la inauguramos como prototipo en una edicion especial a la que le ponemos el nombre de Maite Maiora y ella misma sera quien la estrene.
 Queremos desearle suerte a Maite, pero tambien a todos vosotros que entrenais duro dia a dia  ..............animo a todos!!!.

GRACIAS MAITE POR CONFIAR EN LUMA
                                                                                                                 
                                                                                                            Argazkiak: Iosu Juaristi. (Fotoiosu)



                                                      LUMA ALTERNATIVE JKT

DIRECTA AMERICANA. PETIT DRU.

Petit Dru, Txamonix-era iristen den eskalatzailearen begiradak harrapatzen dituen granitozko gezi erraldoi eta ikusgarria . Bere mendebaldeko 1100m-ko hormatzarrean  aurkitzen den Directa Americana bidea Mt Blanc mendimultzoaren eskalada ederrenetarikoa eta estimatuena dela diote liburuek, guk ederra ba dela  esan dezakegu.

1962. urtean, Royal Robbins eta Gary Hemming eskalatzaile amerikarrak 3 egunetan burutu zuten bidearen lehen igoera, Kaliforniako Yosemiteko eskalada teknikak hormatzar honetan erabiliz.

Royal Robbins

Gary Hemming

Guk  bide hau 2000.eko abuztuan eskalatu genuen eta ordutik  azken urteetan desprendimendu ikaragarriak gertatu dira mendebal horman, beraz horma eta bidearen egoeraren inguruan ondo informatzeko aholkua luzatzen dizuegu, baina oraindik eskalatzen dela jakin badakigu.

Lojistika aldetik gure kasuan gerturaketa montenvers-etik egin genuen. 3 bibak egin genituen guztira, lehena horma azpian, bigarrena “ bloc coincee” delakoan eta hirugarrena gailurrean, azken hau “kapritxo” gisa ura eta lo saku bat aurkitu genituelako gailurrean. Bidea 70l-ko petate txiki batekin egin genuen, bertan bibak materiala, 10l ur . botak, kranpoiak eta pioletak   eraman genituen. Eskalatu 10,5mm.ko stratus sokarekin eta 9mm-ko sokatik petatea. Reuniora iritsi bezain pronto petatea jasotzen genuen eta bi lagunok gozatu ederra hartu genuen bide gehiena era askean pisurik gabe eskalatzen.                  

Luzeera 1100m eta 35 soka luze.  Zailtasun orokorra 6b/A1 (6c+).  Bidearen lehen 7 luzeak kimikoz ekipatuta daude eta nahiko azkar egiten dira, ondoren bideak bere nortasuna hartzen du,nahiz eta hiltzeekin ekipatuta egon, hemendik gora eskaladak ez du barkatzen eta  hainbat arteka eta diedro fisiko  eskalatu beharko ditugu lurretik 600 m-ra dagoen  bibak lekura iristeko. Hemendik posible da rapelez jeistea. Goruntza 90m-ko diedroa, 6b/A1 edo 6c/7a ko bi luzeekin,( hiltze asko) ondoren  penduloa eta gailurrerantz eramango gaituen oeste klasika-rekin  elkartzen da bidea. Esan beharra daukagu goikalde hontan 6a-arteko zailtasunak buztita edo berglaseatuta eskalatu  genituela eta ipar hormara pasa ginenean berriz artekak eta diedroak elur eta izotzez estalirik zeudela.

90m-ko diedroan. 22.luzea 6c.

Azken argiak mendebal horman

Mailly diedrora iristen

 Horma lehorra ba dago begiratu katalejoekin “ bloc coince” hortan  elur aztarnik dagoen, baina litekeena da repisako zuloetan elurra egotea. Gailurrean ura aurkitu eta  tantaka boteillak betetzea lortu genuen. Gailurreko zirrikitu eta zuloetan gidek losakuak etab… izkutatzen dituzte larrialdietan erabiltzeko.

 Jaitsiera rapelez “ flammes de Pierre” arte, nekearekin astun samarra baina lasai hartuz gero ondo egiten da, arazoa lainoa sartzen ba da. Flammes de pierretik rapelak eta destrepeak egin behar dira, kontuz samar bide ona hartzearekin eta erreferentzia bezala goitik behera begiratuz, ezkeraldean orratz edo gendarme bat hartu, hortik glaziarrera eta ondoren Charpouako aterpera.

Penduluaren ondoren. Oeste klasikan. 26.luzea

topo Directa Americana

Hasierako 7 luzeak

 

Iñaki Arenaza eta Iñigo Mujikak burututako igoera 2000.urtean

 Hemen 1985. urteko bideo bat.... Christoph Proffit Directa Americana bidea sokarik gabe eskalatzen!!!.

. NEOUVIELLE-KO EZPATAK. Pics d`spades.

Aurreko astean Neouvielle inguruko Cap de Long eskalada eremua aipatzen genuen blogg hontan, oraingo hontan ingurumen berdinean eskalatzaileendako beste jolas eremu polit bat aurkeztuko dizuegu , Pics d`spades edo Neouvielleko ezpatak.

Ezpatak.

 Cap de Long-en gerturaketa hutsa bada, ezpatatara kotxetik  tamainu guztietako lakuen artean ibilaldi polit bat egin beharko dugu. Eremu hontan 3 horma aurkituko ditugu, Petit pic d´spade, grand pic d´spade eta Neouvielle-ko 3020m-ko puntara doan horma. Haitza kalitate oneko granitoa da eta bertan aurkitzen diren bideen gehiengoak deportiba eran ekipatutako bideak dira. Bideen luzeraren inguruan gehienez 250m-ko bideak aurkituko ditugu 3020 puntan, 200m inguru grand pic-en eta 180m petit pic-en. Hemen eskalatzea "plaissir" hutsa da, bideak paraboltez ekipatuta, rapelagarriak eta inguru ederra. Ia 3000m-tan burutzen diren eskaladak dira, orientazio aldetik eguzkiak arratsaldetan jotzen die, eta goizetan frexko egiten du.

Gerturaketan aurkituko dugun lakuetariko bat. Goian ezkerrean ezpatak, eskuinean Neouvielle.

  Eskalada bideen inguruan, Magnetisme 180m 6b (Petit pic), Les Malheurs del picachu 200m 6b (Grand Pic) eta " Les lagopedes " 250m 6a+ (pointe 3020) izango dira gure ustez horma bakoitzeko bide klasikoenak. Hortik aurrera aukera zailago dexente dauzkagu, Noir Tango (6c), Saucisson de Estrasburgo (7a) , L´ombre du doute 6c+  batzuk aipatzearren...
 Azken finean leku eder bat delakoan gaude, luze oso onak eta ingurumen ederra. Bideen luzerak ez dira gerturaketaren parean gelditzen baina bide bat baino gehiago eskalatzeko aukerak eskaintzen ditu eskalatzeko gogoak baretzeko.

  Nola iritsi.
   Luz St Sauvier-etik Bareges herria pasa Tourmalet aldera, Bareges-etik km gutxi batzutara  "Vallon de la Glere" kartela  dago eta bertan eskuinetara bide batek irtetzen du. Segi bide hontatik eskiatzeko pistetaraino eta ondoren segi aurrera bailaran zehar egoera txarragoko beste pista batetik metalezko langa batekin topo egin arte. Hemen kotxea utzi eta zig zag-ean doan pistatik 45 minututan La Glere-ko aterpera iritsiko gara. Ondoren jarraitu bidetxurretik aurrera, trois consellers mendirako bidetik Ezpatak ikusi arte. Lakuz inguratutako bide polita da, benetan.  Ondoren zuzen igo hormaruntz. La Glere-tik 2 ordu. Krokisak etab, La Glere-ko aterpean aurkituko dituzue.

La Glere

NEOUVIELLE. Cap de Long.

Cap de Long, gehienez 200m-ko garaiera duen granitozko horma polit bat da. 4-5 luze inguruko hainbat bide ekipatu aurkitzen dira bertan. Kalitatezko granitoa, fisurak, plakak eta kantodun luze ederrak eskalatzeko aukera izango dugu bertan. Horma kotxetik hurbil,(5 minutu), "apalanke" polita eta dohainekoa  lakuari begira, eta lakuaren bestekaldean Neouvielle eta Soum de Ramougn 3000-koak bista bistan. Bertan 2 taberna daude eta ezkerreko tabernako (Garlitz) tipoa omen da bertako ekipatzaileetariko bat, krokisak etab bertan aurkituko ditugu.
 Cap de Long-eko hormaz gain, Neouvielle eta Soum de Ramougn-eko hegoaldeko hormetan 400m arteko hainbat bide aurkituko ditugu, eta lakuaren bestekaldean, Rognon de Ramougn delako horman 300m arteko beste bide interesgarri batzuk, eta gehienak ekipatutako bideak dira. Lehenago aipatu dugun bezala, parking-eko tabernan ingurumen hontako informazio guztia daukate edozeinen eskura. Gure ustez leku interesgarri bat dela esan dezakegu.
 Guk eskalatutako bideak Carpe diem, Cinquement element eta Cabaret Sauvage izan ziren, aipamen gisa Cinquement element-en 2.luzeko 6c-ko babaresa eta Cabaret bidearen lehen luzeko plaka ederra, 6b+. Beste bide batzuk egiteko gogoz gelditu ginen, beraz, bueltatzeko aitzakia ba daukagu.
 Iristeko Barrage de Cap de Long-erako bidea hartu bai St Lary herrixkatik gora edo Bielsa-ko tuneletik behera joanda.
 

Neouvielle eta Soum de Ramougn-en hormak

Carpe Diem sektorea

Cap de Long-eko horma eta parking-a

Cinquement element. L2 6C

Cap de Long era bidean aurkituko dugun beste laku bat.

Mar de sueños+water. Cueto Agero.

 

 Egunen baten Picos de Europa-ko bailaretan dagoen horma eta arroka guzti hoietan egongo diren bideen informazioa publikatzen bada a ze sorpresa eramango duguna. Cueto Agero publikatua izan da Adrados-en liburuan eta bailara guzti hoietan aurkituko dugun adierazgarri da horma hau, karehaitz ezinhobea aurkituko dugu ingurumen hontako hormetan.
 Mar de sueños+water konbinazioa benetan eskalada on bat da, hiltze eta espitez " semiekipatuta" aurkitzen da eta diedro ederrak eskalatu behar dira, bere graduan fin eskalatu beharrekoa eta pasadizu batzuetan babesteko aukera eskasak eskeintzen dituena, ala eta guztiz ere haitzaren kalitateak konfidantza emango digu aurrera egiteko. Bide guztiz gemendagarria.
 Bidea laburbilduz, Lehenengo 2 luzeak baten egin, 6b-ko " media luna" luzeak pasarte obligatuak ditu baina hiltzez babestuta dago. 3. luzea billeratik plaka batetara irten ezkerretara  arteka  bat harrapatzera (hiltze 1) ondoren 3 txapa jarraian Ae edo 7a billerara. Hurrengo bi luzeak baten egin genituen, lehenengo babaresa polit batetik pasarte obligatuekin, billera salto egin eta trabesian water bidea hartuko dugu. Trabesiako luze honek exposizio apur bat dauka, baina pasarte zailenak babestuta ditu ( pare bat hiltze). Ondoren zuzen igo eta ezkeraldera diedro bat hartu 6a/b zapai baten azpitik trabesia eginez. Diedro honek Espolon Sur bidearekin bat egiten duen billerara luzea eskalatu eta inongo konplikaziorik gabe gailurrerantz Esplon Sur bidetik gora. Jeitsiera bide normaletik.

Topo Mar de sueños+water

FRANCIS-THOMAS. MIDI D'OSSAU

Francis Thomas, Pombie-ko hormaren erdikaldean hasi eta Espolon Este bidearen sorbaldararte hainbat zeharkaldi eginez doan bide nahasgarri bat dela esango genuke,bidea galtzeko aukera asko eskeintzen ditu beraz ordutegia kontutan hartzeko gauza bat da. Arraroa izaten da bide hontan eskalatzaileak aurkitzea baina tarteka eskalatzen den bide bat da,  klasiken kategorian ez genuke sartuko ordea. Pasarte "pikante" ugari eskeintzen dituen bidea da eta egia esan pasarteren baten gustora erabili izango genuke hiltzeren bat. Bidea eskalatzeko eraman genuen topoan markatzen zituen hiltzeen artean, batzuk horman falta ziren, 7. luzeko 6a+ eko luzean hain zuzen ere bizpahiru hiltze falta ziren eta larri samar pasa genuen, 9. luzea ere expo samarra iruditu zitzaigun. Azken finean, bide ona eta bere graduan obligatuta. 6c-ko luzean hiltze ugari daude eta likenez zikin samar aurkitu genuen.
 Bidean galduz gero, 6. luzean bira batek Espolon Este-rantz eramango gaitu eta arazorik gabe bertatik rapelez jeitsi. Jeisteko gomendagarriena Espolon Este bidearen billerak harrapatu eta rapelez jeistea da,  rapel hau aurkitzea ez da erraza aipaturiko bidea ezagutzen ez bada.

topo Francis-Thomas

Matxinklimb-en zintzilikatutako topoa

Los duendes del valle. Ansó.

Espelunga espoloiaren eskuin aldean aurkitzen da bide hau. Ez da ingurumen hortako bide ederrena baina esan beharra dago luze interesgarri batzuk ba dituela. Bidea oso ekipatuta aurkitzen da eta pare bat jardinek kontinuitatea mozten diote, hala eta guztiz ere, daukan zailtasun obligatu (V+) eta ekipamenduarekin  Ansoko bailaraz gozatzeko eskalatzaile askoren eskura gelditzen den bide bat da. Harrokaren kalitatearen inguruan danetik aurkituko dugu. Eraman 3 arteko friendsak pasarteren bat edo beste babesteko.
 Bidera iristeko erreka gurutzatu eta Espelunga azpikaldetik dagoen bidetxurra hartu eroritako zuhaitz bat ikusi arte, Urdaburu bidearen zapaiaren bertikalean gutxigorabehera, ondoren sartu basoan hormara iristeko. "DV" inskripzioa eta lehen parabolta ikusiko dituzue.

hemen krokisa

ALPEETAN ESKALADA PROPOSAMENAK

            UDARAKO ZER EGIN ASMATU EZINEAN BAZABILTZATE, HEMENTXE LUZATZEN     
             DIZKIZUEGU AURTENGO UDARAKO ESKALADA PROPOSAMEN BATZUK,

Alpeek bere handitasunean neurriz apalagoak diren makiña bat eskalada  eder eskeintzen dizkigu, “ plaissir” delako kategorian kokatuko genituzkeenak, hau da, kalitatezko haitza, konpromezu eza eta ekipamendu modernoa daukaten bideak. Ondorengo lerroetan , Alpeetako eremu ezberdinetako kategoria hortako bide batzuk proposatuko dizkizuegu,  zuek ere gozatu ditzazuen.

Aiguille Dibona (Ecrins). Visite obligatoire  350m 6a+ (6a oblig)

 Ecrins-eko mendimultzoan aurkitzen den orratz zorrotz hau aisi ezaguna da eskalatzaileen artean. Orratz hontako bide gehienak paraboltez ekipatuta aurkitzen dira, horien artean Visite obligatoire bidea, 6a inguruan eta guztiz ekipaturiko 11 luze, gehienbatean plakako eskalada gozagarri bat. 

Aiguille Dibona

Bidearen sarrera gezi beltzaz seinalatuta.

  Berarde-ko bailara hartuko dugu abiapuntutzat. Bourg D`Oissans-etik 30 minutura. La Berardera iritsi baino lehenago, Les Etages herrixkan aparkatu eta Soreller aterpera igo beharko dugu, 1200m-ko desnibela, lasai joanda 3 bat ordu beharko ditugu  iristeko. Aterpea hormaren azpian aurkitzen da. Kontutan izan, orratz hau gero eta gorago estuagoa dela eta goian bide guztiak topo egiten dutela, jende pilaketak gertatzea posible da eta horrekin batera eskalada denbora luzatzea. 

Bestalde La Berardeko  bailarak ekipaturiko bide ugari eskeintzen dizkigu, eta Meije mendiaren hegoaldeko horma eskalatzeko abiapuntua da. 

Bertan lo egiteko aparkaleku handi bat dago, Giden bulegoa, taberna ta dendatxo pare bat ere aurkituko ditugu La Berarden.

  topo visite obligatoire

 Aiguille de Sialouze  (Ecrins)  Ventre a terre 400m 6a.

Ez da oso ezaguna orratz hau, baina bisita bat merezi duen horma ederra da. Kalitatezko granitoa Ecrins mendi multzoaren barrenetan. Aipatzen dugun bidea Visite Obligatoiren kalibre berberean kokatuko genuke nahiz eta urrunxeago eta altuago egon. Bide ekipatua, pasarte ederrak, inguru basatia, glaziarra…..zapore onarekin utziko zaituen bidea da Ventre a terre, guztiz gomendatzen dugun horma. Kranpoiak eta pioleta beharrezkoak izango ditugu. Jeisteko rapelez bide bertatik.

Nola iritsi: Sele aterpea, Ailefroidetik 3 ordura. Aterpetik ordu t`erdiko gerturaketa Sialouzeko orratzera.
Ailefroideko bailaran 400 m arteko bide ekipatu dexente aurkituko ditugu, onez gain, alpinismo ona egiteko aukera bikainak eskeintzen ditu Ecrins-etako eremu onek, besteak beste Barre des Ecrins-en Pilier Sud edo Pic Sans Nom-eko ipar horma.

topo Ventre a terre

Tour Rouge ( Envers,  Chamonix) Le marchand du sable 300m 6a+

Envers-eko aterpea inguratzen duten horma eta orratzek  jolas eremu bikain bat osatzen dute eskalatzaileendako, aterpetik gertu hainbat bide eder aurkitu bait ditzazkegu. Envers paradisu bat da.” Le marchand du sable” dugu hoietako bide bat, bere graduan eskalatu beharrekoa eta diedro eta plaka bikainez osaturiko bidea. Diedro eta fisurak garbi aurkituko ditugu, plakak berriz paraboltekin.  Jeitsiera rapelez bide berberetik. Kranpoiak edo pioleta  beharrezko izango ditugu gerturatzeko .
Nola iritsi: Chamonix-en Montenvers-eko tren kremallera hartu, ondoren Mer de Glace glaziarrera jeitsi eta segi glaziarrean barrena, argi ibili glaziarrearen eskuinaldeko arroketan dagoen gezi bat ikusteko, gezi honek Envers aterperako bidea seinalatzen digu eta. Guztira 3 ordu. 

Envers aterpea

 
 

1ºPointe de Nantillonsen eskalatzen

topo Le marchand du sable

 
 Le marchand du sable L3


 

1º Pointe de Nantillons (Envers, Chamonix) Guy Anne L´insolite 400m 6a+

Arnaud Petitek bere “ Les plus belles escalades de Europe” liburuko selekzioan bide hau gomendatzen du eta egia esan  bide  oso polita da. 2. eta 3. luzeak  dira politenak, fisura athletiko baten ondoren  beste fisura diagonal bat, anbiente monolitikoa eta autoprotekzioa. Luze hauek eta gero bidea lasaitu egiten da eta eskalada gozagarri baten bihurtzen da pasarte oso politekin. Jeitsiera rapelez bide berberetik.  

1º Pointe de Nantillons

                                                     topo Guy Anne l.insolite

Aiguille de Midi. (Chamonix) Rebuffat-Becket 200m 6a

Valle Blanch-en eskalatzea zentsuendako plazer hutsa da. Goimendian eskalatzearen sentsasioak biziki sentitzen bait dira. Valle Blancheko hormetan estetikak eta koloreek bat egiten dute.

Rebuffat-Bequet bidea Alpeetako superklasika bat dela esango genuke, harribitxi bat eta inguruan aurkitu dezakegunaren adierazgarri. Bide azkarra eta guztiz gomendagarria. Aipamen gisa bide hau eskalatzeak estrategia edo logistika pixkat eskatzen du, …….hori zuen kabu.
Jeisteko Contamine bidetik rapelez, edo bidea amaitutakoan telesferiko aldera . (botak, kranpoiak??)
Nola iritsi- Aiguille de Midi-ko teleferikoa hartu Chamonix-en eta tuneletan zehar jarraitu Ref de Cosmiques kartelak. Tunela utzi ta bapatean goi mendiko elur arista baten aurkituko gara, segi arista eta jeitsi Valle Blanche-ra, jeitsi bezain pronto horma gure eskuinaldean ikusiko dugu. 30minutu.

Valle Blanche. Atzean laino artean Aiguille de Midiren hegoaldeko horma.

 

                                                                    topo Rebuffat-Baquet    

3. luzeko plaka fisuratua

El Dorado ( Grimmselpass, Suiza)  Motorhead 500m 6a+

Grimmselpass Chamonix-etik 3 ordutara dagoen eta 2000m ingurutara aurkitzen den portu bat da. Granitoaren paradisu txiki bat dugu Grimmselpass, nonahi ikusi ditzakegu granitozko plaka  leunak. El Dorado dugu eremu hontako horma garrantzitsuena eta  Motorhead  bide klasiko estimatuenetariko bat. Azpikaldean diedro politak eskalatuko ditugu aderentziako pasarte obligatuekin eta goikaldean gehienbat aderentziako plakak.

Hormara iristeko urtegiko presa gurutzatu eta bidetxurra jarraitu hormara iritsi arte. 2 ordu gutxi gora behera. Bidearen sarrera topatzeko zapai handi bat hartu erreferentzia bezela.

Jeisteko: bide amaieran ekialderuntz doan bidetxurrak horma azpiraino eramango gaitu.

                                                                    topo Motorhead